يلا نشوف اخر الاخبار

الجمعة، 17 فبراير 2012

واحد مات والتاني اتجن

مكنتش اعرف انهم مستخبين في الدره
وان يوم ٢٥ هيعدي بخير علشان يوفروا للأيام الجايه
خلوا الملعب ساحه دم اخويه وابني كانوا هناك
واحد مات والتاني اتجن
واحد فيهم وأخد علمه وماشي يغني غنوه لبلده
والتاني كان بالغل قاعد بيغني غنوه غدر
اصله قابض جي يلابط
وشغله بس يسيح دم
اصله سارح في المدابح
والدبح عنده اصبح فن
اخويه وابني كانوا هناك
واحد مات والتاني اتجن
بقلمي وحي الخاطر

حزينه عليكي يا مصر

بيد مغلولة
ودموع حبيسا
اكتب ما اكتب
حزينه عليكي يا مصر
خانو الامانه غدرو بزهورك
ضربوا العيال عاملو حصار
زهرة شبابك ربيع وولاه
داسوا الأزهار
كتموا الأصوات
طفوا الأنوار
علو الزغريط دقوا الطبول
هتفوا بالنصر رغم الحريق
مات الشهيد
مات الولد
حلم انتهي
في غفله محسوبا بالتفصيل مكتوبه
كان واقف هناك عامل حرس
كل واحد عارف دوره
كل واحد خد نصيبه
شمال شمال يمين يمين
بتحرس مين ياعم قولي
مات الولد
اصبح شهيد
فغفله كانت محسوبا وفميت ورقه مكتوبه
خطه خسيسه
طار الحمام وخد الأمان
مات الولد
حلم انتهي
غدر ووفي
حكموا عليه هو السبب
حصروا بلده وأبو العربي اتخنق
لبس الطاقيه هو السبب
كان ذنبه ايه
ارضه عليها المعركه
اذا هو السبب
(( ابو العربي والله راجل من ذهب))
.
.
.
.
حاطوا الحواجز علي الشبابيك
حاطوا قوالب طوب علي قلوب ولادك يا مصر
خلطوا الاوراق
قلبوا راسك يا مصر
لخبطوكي وما نصفوكي
خذلوكي وكسفوكي
حرموكي من ولادك يابلدي
.
.
.
.
دار ابوالعربي اهتز
لم اكن اعلم ان عدم تنفيذ المخطط يوم ٢٥
انه فقط مجرد تأجيل
لتدبيس ابو العربي
.
.
بقلمي وحي الخاطر