يلا نشوف اخر الاخبار

الأحد، 30 يناير، 2011

شعور سخيف .......... للشاعر (هشام الجخ)

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف



إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف



سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف



دا شعور سخيف

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة



يا ساقية دورى ... عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت



أنا اللى صاحب البيت

عايش بدون لازمة

ولما مرة شكيت

إدونى بالجزمة



أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

لا شفت فيكى هنا

ولا شفت فيكى ترف

كل اللى فيكى قرف



كرامتنا متهانة

واللقمة بإهانة

بتخلفينا ليه لما انتى كارهانا



يعنى ايه تبقى إنتى هبة النيل يا مزة

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع



لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش



يعنى ايه نرفع ايدينا بالسلام لجل الغزاة

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى



يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته



أنا عمرى ما أتأمرت

ولا حطيت شروطى

ومكان ما ترسى مركبك

بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

دة انا كل شبر فى أرضك اتمرمغت فيه

وكل يوم عشتيه

أنا اتغذبت بيه





علا صوت أدانك جرس

فى الشدة صاحينلك

من امتى كانوا الحرس

هما اللى باقينلك



بعتينى علشانهم

وعنيكى معصوبة

ياهلترى خاينة

ولا زيى مغصوبة





علمونا بالعصاية

ورضعونا الخوف رضاعة

علمونا فى المدارس

يعنى ايه كلمة قيام

علمونا نخاف من الناظر

فيتمنع الكلام

علمونا ازاى نخاف

وازاى نكش

بس نسيوا يعلمونا الاحترام

فمتزعلوش

لما ابقى مش باسمع كلامكم

وماتزعلوش لما ابقى خارج عن النظام



مستنى ايه من طفل ربوه بالزعاق

غير المشاكل والخناق

كل اللى بيقولك بحبك دول نفاق

أنا لما قلت لك بحبك

كان نفاق



الحب يعنى اتين بيدوا

مش ايد بتبنى وستميت تيت تيت يهدو

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

يعنى أعيش علشان هدف

علشان رسالة

يعنى احس بقيمتى فيكى

إنى مش عايش عوالة



يعنى لما اعرق تكافئيى بعدالة

الحب حالة

الحب مش شعر وقوالة



الحب حاجة ما تتوجدش فى وسط ناس

بتجيب غداها من صناديق الزبالة



بارت مراعينا والبئر قد جفَ

والجوع يكوينا والصبر ما كّفى

والقلب لا يهدا والجرح لا يشفى

ولأننا طوع

زنا لهم خفا

جاءوا بموكبهم

واشتغلت الزفة



الدفة مظبوطة

وأصلا مافيش دفة

والكفة مش مايلة

علشان مافيش كفة



و جحا اللى جاى بالليل لساه بيتخفى

شايف ديدان الغيط سارحة ومارحماشى

من جبنه شاف الدود سابه وراح ماشى

ولا اتكسف للناس

ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى



الدود قاعد لك يا جحا ولابد فى طينك

بعد ما يمص فى دمانا مش حيحلاله الا طينك



احنا اهلك

احنا رجالتك

أمانك

إحنا وقت الشدة سندك

إحنا زادك



يا جحا احمى ولادك

لو كنت عايز تحمى طينك



سوف أرحل

ربما يلقانى من ارجو لقاه

هامشى ويا الشحاتين



وابكى على حلمى اللى تاه

بس مش هاشحت رغيف

هاشحت وطن لله

لن اغادر

لن أغادر ...



لن أغادر قبل ان ارسمك لوحة الوانها دمعي



لن أغادر قبل ان تمنحني ذكرى اعيش معها في غيابك



ذكراك التي تقنعني برجوعك .. اوتخدعني بـــــــــذلك



لست ادري لكنني لن أغادر...



هل علمت بأن قلبي قد تاه شوقاً..



هل علمت بأن حبري تعلم كيف يسطرك قصيده



واتقن حين رسمك



هل علمت بأني امرت حروفي ان تهواك كما اهواك...



هل علمت بكل ذاك ؟؟؟



ام علمت بان حبك ان كان يوماً فلن يكون انا ...



ام علمت بالملل... بالكآبة في وجودي .... بمناك ان أغادر ؟؟؟



إن أغادر عن حياتك سوف تبقى في حياتي



لن تغادر .... لن تغادر



إن أغادر لن يموت حب قلبي



سوف يبقى ...



قد تعود الي يوماً .... قد تعود

وتركتني

وتركتنى......



وتركتنى فى غيهب الأيام

أشتهى منك اللقا

أكلم العصفور حولى والشجر

عن مهجتك

وأداعب النسمات باسمك فى السحر

وأحدث الجدران والأشعار والطرقات

والأصحاب عنك

أرأيتموه.....؟

كلمتموه....؟

سمعتموه....؟

فعلا بخير....

حمداً لرب العالمين



وتركتنى فى غيهب الأيام

أشتهى منك اللقا

وبداخلى هم السؤال

أفأنت تعتزم الرحيل..؟

أم همى هذا هم شك

والتحقق مستحيل

والفرح ضل فى الطريق

والشعر صاح بثورة

أين الرفيق....؟

وتركتنى وبداخلى عز الهوى

وكأنه سيف سحيق

يا أيها الحلم الذى طال انتظاره

حقاً يقول الأهل أنك راحل عن دنيتى

حقاً يودعنى هواك

يانصف روحى

أنا بعد ليس لى إلا الملامة فى الهوى

لاموا الأناس ولا يعون بأن عزى قدبدا

يوم الهوى

قالوا الكثير.......

وما لهم استمعت

أصبحتى حرفاً زائداً وسط حروف المعشوقات

بقلبه

قلت:أنا حروف جديد

أتميتى نفسك فى الهوى

قلت: الهوى يحيى وما أبدا يميت

ولكنك..

تركتنى

وهجرتنى

وهزمتنى

بمقالك....

أهلى............

أهلك....؟؟؟

.............!!!!!!!!!!

قل لى بربك ياأنا

من أنا....؟

أهلك أنا...؟

وطنك أنا....؟

فمن أنا....؟!!!

وإلى متى ......

وإلى متى....

وإلى متى....

سأظل دوماً أنتظر....؟

حبيبتي يا مصر

حبيبتي يا مصر يا غالية





يا ست الحسن يا أمي





يا كحل عيوني





وناري وشكوتي وهمي





أوطي وأبوس ترابك





قبل الكل وأسمي





يا ست الحسن يا صبية





يا روحي يا كل ماليا





يا ضحكة نامت علي جبين القمر





ونسمة ريح تطوف مابين





أوراق الشجر





متزعليش





هييجي يوم لازم نعيش





نلم الكل حوالينا ونغني





بلدي يا بلد الغريب





يا دمعة مابين الرمش والنني





يا قلب بين الضلوع





داسوا علي ترابه وخدوه مني





راجع أنا لنيلك





راكب علي خيلك





وأرسمك عروسة قبل الفرح تتحني





أوعي يطول البعد تنسيني





أنا اللي تراب أرض الوطن





أتنسج طول غربتي مني



كلمات أحمد الصعيدى

السبت، 29 يناير، 2011

دقيقه حداد

دقـــــيـــــقـــــه حـــــداد

عــلــى الــنــاس الــلــى كــان لــيــهــم ضــمــيــر صــاحــى ومــات فــيــهــم

دقـــــيـــــقـــــه حـــــداد

عــلــى الــدنــيــا الــلــى عــايــشــيــنــهــا وفــاكــريــن روحــنــا فــاهــمــنــهــا
لا لــيــهــا عــزيــز ولا غــالــى وعــايــشــه فــى بــرجــها الــعــالــى
ولــو شــافــت دمــوع انــســان بــريء بــتــقــول وانــا مــالــى

دقـــــيـــــقـــــه حـــــداد

عــلــى الــحــلــم الــلــى انــا حــلــمــتــه
عــلــى الــقــلــب الــلــى عــلــمــتــه
بــحــب فــى نــاس لا لــيــهــا امــان وروحــت بــايــدى ســلــمــتــه
عــلــى الــحــب الــلــى جــمــعــنــا
وخــلــى الــعــمــر لا مــعــنــى
ورخــصــنــاه فــى لــيــلــه ويــوم وضــاعــوا ورا ومــاضــعــنــا
عــلــى الــلــمــه وعــلــى الــصــاحــب مــيــن دلــوقــتــى يــتــصــاحــب
زمــان كــان الــحــنــيــن غــلاب زمــنــا ده الــلــى خــان غــالــب
عــلــى الــرحــمــه وعــلــى الــطــيــبــه وعــلــى خــوفــنــا مــن الــعــيــبــه
ده حــتــى فــى عــز وقــت الــخــيــر بــتــبــقــى الــكــلــمــه مــحــســوبــه
عــلــى الــلــى بــايــدى عــالــتــهــم وكــنــت بــحــلــي دنــيــتــهــم
لــقــونــى فــى وقــت احــزانــهــم ووقــت جــراحــى مــالــقــيــتــهــم
بــنــيــتــهــم هــمــا هــدونــى شــافــونــى فــى ضــعــفــى جــرحــونــى
بــاعــونــى رخــيــص وانــا الــغــالــى وعــلــى نــار هــاديــه ســاونــى

دقـــــيـــــقـــــه حـــــداد

عــلــى الــود الــلــى راح زمــنــه
عــلــى الــنــاس الــلــى يــؤتــمــنــوا
عــلــى زمــن الــلــى يــعــمــل خــيــر مــايــســتــنــاش يــاخــد تــمــنــه
عــلــى الــعــشــره وعــلــى الــجــيــره
عــلــى الــنــخــوه وعــلــى الــغــيــره
عــلــى الــحــق الــلــى ضــاع مــنــا ولا بــنــجــيــبــلــوا يــوم ســيــره
عــلــى نــفــســى وعــلــى حــالــى عــلــى دمــعــى الــلــى كــان غــالــى
ورخــصــتــوه لــنــاس مــش نــاس نــزلــتــلــهــم مــن الــعــالــى
عــلــى الــضــحــكــه الــلــى انــا نــســيــتــهــا وراحــت مــنــى حــلاوتــهــا
عــلــى الــفــرحــه الــلــى نــســيــتــنــى قــتــلــهــا الــحــزن مــوتــها
عــلــى الــعــاطــى الــلــى كــان راضــى ورقــبــتــه كــانــوا عــلــى الــهــادى
مــش الــلــى يــضــعــوا الايــام واحــلــى ســنــيــنــه عــلــى الــفــاضــى
بــقــيــنــا لــيــل ولــنــفــســـى يــانــاوى الــدنــيــا مــن بــعــدى
ولــو حــد انــجــرح بــيــنــا يــقــول اهــى شــده وتــعــدى

دقـــــيـــــقـــــه حـــــداد

عــلــى الاخ الــلــى يــســنــد اخــوه عــلــى الابــن الــلــى يــوفــى لابــوه
عــلــى الــلــى يــشــيــل هــمــوم الــنــاس ويــســعــدهــم ولــو جــرحــوه
عــلــى الــقــلــب الــلــى كــان انــســان وعــاش يــدى لــغــيــره امــان
عــلــى الــحــضــن الــلــى كــان بــيــضــم غــريــب وقــريــب فــى اى مــكــان
عــلــى عــمــرى الــلــى ضــاع بــبــلاش عــلــى قــلــبــى الــلــى مــاتــهــنــاش
رمــاه الــحــظ ونــصــيــبــه عــلــى الــنــاس الــلــى مــابــتــســواش
عــلــى ســنــيــنــى الــلــى مــش بــتــمــر مــاشــوفــتــش فــيــها لــحــظــه تــســر
عــلــى عــيــنــى الــلــى شــافــت ويــل يــكــفــيــها بــقــيــت الــعــمــر
نــتــقــابــل ولا الاغــراب نــتــكــلــم كــلام بــحــســاب
يــامــا الــدنــيــا ســاهــتــنــا وخــطــفــت مــنــنــا الاحــبــاب
بــنــضــحــك بــس فــى قــلــوبــنــا خــلاص الــحــزن دوبــنــا
وشــوش مــاشــيــه مــالــيــها الــخــوف وقــبــل اونــهــا شــايــبنا

ليس باب من ابواب النحو

هذا ليس بابًا جديدًا من أبواب النحو، ولكنه فصل محزن من فصول تهاون بعض أبنائنا بلغتهم الأصيلة، ومفرداتها الراقية، فاستبدلوا بها ألفاظا أعجمية في مخاطباتهم اليومية، وأحاديثهم الجانبية، يرددونها غيرَ واعين بما تكرّسه فيهم من التبعية العمياء، حتى طمّت هذه الألفاظ وعمّت بين بعض الشباب والمراهقين، أخاطبهم سائلاً الله أن يفتح على قلوبهم:

( أوكي ) ترددها وقلبـك يطـربُ :: وتلوكُ من ( أخواتها ) مـا يُجلَـبُ

فتقول : ( يَسْ ) مترنمًا بجوابهـا :: وبـ( نُو ) ترد القولَ إذ لا ترغـبُ

وتعدّ ( وَنْ ) مستغنيًا عن ( واحدٍ ) :: وبـ( تُو ) تثنّي العدّ حين تُحسِّـبُ

تصف الجديد ( نيو ) و ( أُولْدَ ) قديمَه :: و( بْليزَ ) تستجدي بها مـن تطلـبُ

وإذا تودعنا فـ( بـايُ ) وداعُنـا :: وتصيح ( ولكمْ – هايَ ) حين ترحـبُ

مهلا بُنـيّّ .. فمستعـارُ حديثِكـم :: عبثٌ .. وعُجْمَـةُ لفظِـه لا تُعـرَبُ

تدعو أخـاك اليعربـيّ كـأعجـمٍ :: مستعرضًـا برطانـةٍ تتقـلـبُ !!

تستبـدل الأدنـى بخيـر كلامِنـا :: وكـأنّ زامـرَ حيِّنـا لا يُطـرِبُ !!

أنـعـدّ ذاك هزيـمـةً نفسـيـةً :: أم أنّه شغـبٌ .. فـلا نستغـربُ ؟
مهلا أخي في الضّاد يا ابن عروبتي :: إن الفصاحـةَ واجـبٌ بـك يُنـدَبُ

حسْبُ العروبةِ أن تخـاذلَ قومُهـا :: فلنحتفـظْ منهـا بلفـظٍ يَـعْـذُبُ

الجمعة، 28 يناير، 2011

مزيكاتى كوم: يوم الغضب مستمر

مزيكاتى كوم: يوم الغضب مستمر: "25يناير هو يوم الغضب ولكن يوم الغضب مازال مستمر حتى الان اعلانت الحكومة الاسرائليه عن متابعتها للمظهرات المصرية ولكن لن تع..."

تتر مسلسل الايام

أيام ورا أيام

لا الجرح يهدا

ولا الرجا بينام
ماشي في طريق الشوك
ماشي وقلبي
مطرح ما أخطي
يبدر الأحلام

العتمة سور
والنور بيتوارى
وايش للفجاري (الفقراء)
في زمان النوح
ميتا تخطي السور يا نوارة
ويهل عطرك ع الخلا ويفوح
ويشدنا لقدام

من عتمة الليل النهار راجع
ومهما طال الليل بييجي نهار
مهما يكون فيه عتمة ومواجع
العتمة سور ييجي النهار تنهار
وضهرنا ينقام

كلمات تتر النهاية
دوامة سودة ودايرة تحت وفوج
والدنيا بحر غويط وعالي الموج
لكن ما دام في الجلب حب وشوج
مهما ميزان الدنيا كان معووج
لابد يوم يصفى الزمان ويروج
ودي حكمة الأيام







الخميس، 27 يناير، 2011

جرت دموعى على أعتاب داركم يامصر كل الهوى فى نيلك الجارى.

يا مصر أنتى كوكبة العصر.وكتيبة النصر.
وإيوان القصر.
...
أنتى أم الحضارة.
ورائدة المهارة.
ومنظلق الجدارة.

_ من أين نبدأ يامصر الكلام .
_ وكيف نلقى عليكى السلام.
قبل وقفة الإحترام .
لأن فى عينيكى الأيام.
والأعلام .
والأقلام.
والأعوام.

_ يامصر أنتى صاحبة القبول والجاه.
_ كم من قلب فيكى شجاه ما شجاه.
_ نحن جئنا ببضاعة مزجاه.

_ صارت إلى مصر أحلامى وأشواقى.
_ وهلّ دمعى فصرت الشارب الساقى.
_ وفى ضلوعى أحاديث مرتلةُ.
_ ومصر غاية آمالى وترياقى.

_ ياركب المحبين أين ما حللتم وأرتحلتم.
وذهبتم وأقبلتم.
أهبطوا مصر فإن لكم ما سألتم.

_ يا أرض العز.
_ يا قاهرة المعز.
_ يا بلاد العلم والقطن والبز.

_ سلاماً عليكى يا أرض النيل.
يا أم الجيل.

_ الحب لكى أرض والجمال سقف.
والمجد لكى وقف.
يا داخل مصر منك ألف.
ما أحسن الجيدُ والجفن والكف.

_ إلتقى الطيب والكافور فى مصر.
_ لما إلتقى أبو الطيب وكافور فى القصر.

_ قبل أن يدخل جوهر الصقلى مصر كان عبداً مملوكاً.
فلما دخلها صار يحكم ملوكاً.

_ أرض إذا ما جئتها متقلباً فى محنتةٍ ردتك شهماً سيداً.
_ وإذا دهاك الهم قبل دخلوها فدخلتها صافحت سعداً سرمداً.

_ قل للأخيار المكرمين.
_ الوافدين إليها مغرمينن.
_ والقادمين إليها مسلّمين.
(إدخلوا مصر إن شاء الله آمنين)

_ فى مصر تعانقت القلوب.
_ وتصافح المحب والمحبوب.
_ وإلتقى يوسف ويعقوب.

_ فصفق الدهر ليوسف منشداً.
وغنى الزمان له مغرداً.
وخروا له سجداً.

_ فى مصر ترعرع الشعر.
_ وسال القلم البليغ بالسحر.

_ فكان الفضاء لقلم مصر صفحةُ بيضاء.
يكتب كل ما يشاء.

_ دخلنا مصر والأشواق تتلى.
_ وكل الأرض أنسام وطل.
_ جمال يسلب الألباب حتى.
_ كأن القتل فيها يستحل.

_ فى مصر القافية السائرة.
والجملة الساحرة.
والمقالة الثائرة.
والفكرة العاطرة.

_ عالم من الجنود والبنود والوفود.
_ دنيا القادة أهل السيادة والإفادة والإجادة والريادة.

_ صباح الخير يا أرض الكنانة.
يا ناصرة الديانة.
يا حاملة التاريخ بأمانة.
يا حافظة عهد الإسلام فى صيانة.
يا راعية الجمال فى رزانة.

_ _ أدب خلاب.
جمال سلاب.
سحر جذاب.
ذكاء وثاب.
ظل مستطاب.
وأمانٍ عُذاب.

_ _ نهر يتدفق.
حُسن يترفق.
دمع يترقرق.
زهور تتفتق.
مقاصد تتحقق.
وأكمام تتشقق.

_ وجد الإســلام فــى مصر أعياده.
كنتم يوم الفتح أجناده.
وكنتم مدادة عام الرماده.
وأحرقتم العدوان الثلاثى وأسياده.
وحطمتم خط بارليف وأعتاده.
وكنتم يوم العبور أسادة وقواده

حبيبي والقمر

في ليلة اشتقت اليك..
.لمخاطبتك..لمناجاتك..لهمساتك..لابتساماتك..
.و لم تكن بالوجود وليس بالوجود افضل من حب لك بداخلي موجود..
.كلما نظرت الى شيء وجدتك انقى واجمل..
.نظرت الى الماء وجدتك انقى واصفى
......نظرت الى الورد وجدتك احلى وابهى..
..تذكرت الوفاء وجدتك من الوفاء اوفى..
.فجأة !!!!.......

نظرت لأعلى...
..رأيت القمر يسير بكبرياء.
..امامه نجوم وخلفه نجوم..
.اعجبني جماله واهديته سلامي.
..اتبعت سلامي بابتسامة..
.وقلت له:
كم انت مغرور ايها القمر..!!
...الا تعلم اني املك اجمل منك..؟
..فلماذا تتكبر؟؟؟.
..الم تنظر الى هذه الارض؟؟.
..الا تعلم ان بالوجود اجمل منك.؟؟..
.لم تعجبه كلماتي.
..وقف في كبد السماء..
.وقال لي: من يكون هذا؟؟
...قلت: انه امير في ارضه.
..وملاك في سمائه.
.اذا ابتسم رايت برقا يتلألئ من فمه..
.لا يعرف الا الكبرياء.
..فقال: اين هو؟؟؟.
.....ففتحت قلبي وقلت:هنا مسكنه.
.وعلى قلبي نقشت اسمه.
..وكلمة احبك دائما على فمه.
..فجأة..!!!!

تساقطت علي امطار من السماء..
..بدون غيوم!!
..فوجدتها دموع من عيون القمر.
.رأى نورا يشع من قلبي احملها وهي شرف لي...
نعم!! لقد ابكيت القمر.
..فقال لي: فعلا انا شبيهه؟؟.
..وضياءك مستمد من نورها.
.فلأجلك حبيبي سيبكي القمر.
.ويتفتح الزهر...ويفنى العمر.
.فأنت نور في كياني.
..وانت زهرة بستاني..
.وانت اميري وامنيتي التي لم تتحقق...
.وجنة بقلبي زرعت
...جروحي بك قد شفيت.
..واحزاني بوجودك قد دفنت..
.فقليل بحقك ان يبكي القمر

اي القلوب قلبك؟؟؟؟؟؟؟؟

قلب جائع

يفتقد الحب والحنان ... ويبحث عنه في كل مكان

سواء في قصص الحب الغابرة أم في أحاديث هذا الزمان

ولا يقنع بذرات الحب القليلة ... فهو متعطش الى حد الارتواء

.ومندفع الى حافة الاغواء


قلب طيب

يمسح خطايا الآخرين بكل سهولة

ويرى بأن الدنيا أكبر من كلمة سيئة وقعت وقت جدال

أو تناهت الى مسامعه بعد محاورة أو مجالسة مع بعض الأشخاص

ويحاول قدر استطاعته ترك بسمة نقية على وجهه

حتى لا تلمح بقية العيون ... كمية الطعنات التي تلقاها

.بسبب كرم أخلاقه .. وشر الآخرين


قلب محترق

ملتاع على طول البعد عن الوطن والاحباب

لا يكاد يبني في نفسه أدوارا جديدة من الحياة

حتى تتكسر مجاديفه بفعل قسوة الواقع وتلاطم الذكريات

فيبقى في مكانه .. ذو أحلام مستقبلية كثيرة

.ولكن ذو لذة ماضية وشوق قديم أكثر


قلب يائس

انتحرت فيه الأماني .. وضاعت منه كل الأحلام

لأنه فقد الدرب الصحيح لشاطئ الأمان وابتعد كثيرا

بسبب طيشه ... عن ملامح العمران

فخسر نفسه واهله وجماعته .. ولم يبق هناك مجالا للتسامح معه

.أو حتى للغفران


قلب محب

يملك في قاموسه أبجدية خاصة عجزت عن كتابتها كل الأقلام

وحارت في معانيها كل الأنفس والأذهان

به من المشاعر ما يكفي لإحياء كل النفوس الجامدة

وما يغرق كل المدن الميتة ... وله من المعجبين ما لا يعد ولا يحصى

.لأنه يمدهم .. بكل إيثار .. بعضا مما عنده .. ويعطيهم جزءا مما احتواه


قلب أحمق

لا يعي ما يدور حوله .. ولا يعترف بأخطائه

كل همه الاستمتاع بما يدور في محيطه .. وأخذ كل ما يستطيعه

.حتى ولو كان ذلك بوسائل غبية تحطم أنقى الأنفس .. وتقتل أعظم الأشخاص


قلب مسافر

لا يقبع في مكان واحد .. وليس له انتماء لأي شيء

فكل ما يراه يكون تحصيل حاصل .. ومتعة للعين فقط

ولا تربطه بالواقع أية صلات أو روابط

لذلك يشعر بالغربة كلما حاول الارتماء في حضن الطبيعة

أو كلما حاول ذرف الدموع على بعض ما يصيبه

.لانه ببساطة لا يملك من يقف الى جانبه ويواسيه على ما هو فيه


قلب جارح

يلقي من الكلمات ما يخدش كل ما هو جميل

وله من التصرفات ما يؤلم كل من به محيط

ولا يشعر باللذة الا بعد أن يمارس سلطته العليا دون الانتباه الى ان ما يفعله

.يجعل أحبابه حطاما لا يقدرون على التفاعل أو حتى الابتسام


قلب مظلوم

عانى من تقاليد المجتمع ونظراته المجحفة

ما جعله فأرا يخاف من مواجهة الخيال

.. لديه طاقة كبيرة .. واحلام كثيرة

كانت من الممكن ان تحدث تغييرا في معالم طريقة

ولكنها .. وللأسف .. ظلت محبوسة

.بين مطرقة الخجل .. وسندان الأهل


قلب ميت

لا يشعر بأي شيء .. ولا يكترث لأي أمر

فكل ما يراه سواد في سواد .. وكل ما يحلم به ان يأكل وينام

دون الولوج في بقية الأحداث اليومية الجميلة التي تشغل بال الناس

والأكثر من هذا كله انه يحاول بسط نفوذه على كل الأنام

ويمشي ( لتحقيق ذلك ) بأقدام حديدية

على الورود الحمراء دون ابداء الندم

.أو حتى محاولة الالتفات لتقديم الاعتذار


قلب مؤمن

قانع بقضاء الله وقدره .. صابر على البلاء

حامد وشاكر للنعم الكثيرة التي منحها الله له

صامد في وجه التحديات التي يجد نفسه فيها

ومحاولا بكل ما يستطيع .. غرس بذرة الخير في طريقه

.والمحافظة على نفسه وجوارحه


منقول لعيونكم

بلاد العرب اوطاني

بلادُ العُربِ أوطاني

منَ الشّـامِ لبغدانِ

ومن نجدٍ إلى يَمَـنٍ
......
إلى مِصـرَ فتطوانِ

فـلا حـدٌّ يباعدُنا

ولا ديـنٌ يفـرّقنا

لسان الضَّادِ يجمعُنا

بغـسَّانٍ وعـدنانِ

بلادُ العُربِ أوطاني

من الشّـامِ لبغدانِ

ومن نجدٍ إلى يمـنٍ

إلى مصـرَ فتطوانِ

لنا مدنيّةُ سَـلفَـتْ

سنُحييها وإنْ دُثرَتْ

ولو في وجهنا وقفتْ

دهاةُ الإنسِ و الجانِ

يا من هواه اعزه واذلني

قصيده اعجبتني

ولا شك انها تعتبر من اجمل قصائد عتاب المحبين


يا من هواه أعزه وأذلنـــي
كيف السبيل إلى وصالـك دلني؟


تركتني حيران صبّا هائمــا
أرعى النجوم وأنت في نوم هني


عاهدتني ألا تميل عن الهوى
وحلفت لي يا غصن ألا تنثني


هبّ النسيم ومال غصن مثله
أين الزمان وأين ما عاهدتني؟


جاد الزمان وأنت ما واصلتني
يا باخلاَ بالوصل أنت قتلتنـي


واصلتني حتى ملكت حشاشتي
ورجعت من بعد الوصال هجرتني


لما ملكت قياد سري بالهوى
وعلمت أني عاشق لك خنتني


ولأقعدن على الطريق فأشتكي
في زي مظلوم وأنت ظلمتنـي


ولأشكينك عند سلطان الهوى
ليعذبنك مثل ما عذبـتـنــي


ولأدعين عليك في جنح الدجى
فعساك تبلى مثل ما أبليتنـي


تحياتي لكم

الثلاثاء، 25 يناير، 2011

اذا اكتشفت يوما

اذا اكتشفت يوما ان من احببته اغلق مفاتيح قلبه والقالها في سراديب النسيان هنا فقط اقول لك ان كرامتك اهم كثير من قلبك المجروح حتي لو غطت دمائه سماء العالم الفسيح فلن يفيدك ان تنادي حبيبك ولن يسمعك وان تسكن بيتا لا يعرفك فيه احد وان نعيش علي ذكري انسان فرط فيك
الكل يقسم انه انسان صادق والصدق  يقسم انه مالقي صدق انسان

الأربعاء، 19 يناير، 2011

عيد ميلاد يا مني
عيد ميلادك  يا اختي احلي الاعياد
عيد ميلادك يا مني اغلي الاماني
بحبك يا اختي واتمنالك كل جميل وغالي
يحفظك ربي من الشر والناس اللي في باللي

اشكيك لمين

أشكيك لمين؟
لمين...
أشكيك لمين؟
يشعر بقلبي
اللي أنظلم
وياك سنين۩۩۩۩۩
أشكيك لمين؟
لمين
أشكيك لمين؟
و الخصم أنت والحكم
أشكيك لمين؟
۩۩۩۩۩
أنا شكوتي
منك إليك
وفرحتي
ودمعي في إيديك
۩۩۩۩۩
وإن كان ضميرك
نفسه
ما بيقدر عليك
أشكيك لمين؟
اشكيك لمين؟
آآآآآآآآه
أشكيك لمين لمين
لمين أشكيك؟
۩۩۩۩۩
أشكيك لمين؟
وأنت الحبيب
وأقرب لي من
أقرب قريب
أي إنسان،مهما كان
مهما كان بعدك غريب
۩۩۩۩۩
أنا أدراي دموعي
وأضحك لك
أنا دمعي عزيز
ويرخص لك
۩۩۩۩۩
عشانك، عشانك
۩۩۩۩۩
عشانك
على عشان تتهنّا
من ناري أعملك جنة
۩۩۩۩۩
عايز إيه
أكبر من كدا قلب
عايز إيه
أكثر من كدا حب
۩۩۩۩۩
أنا شكوتي
منك إليك
وفرحتي
ودمعي في إيديك
۩۩۩۩۩
وإن كان ضميرك
نفسه
ما بيقدر عليك
أشكيك لمين؟
اشكيك لمين؟
آآآآآآآآه
أشكيك لمين لمين
لمين أشكيك؟
۩۩۩۩۩
يا ريت قلبي يكون قاسي
عشان يقدر يفوت حبك
وأعيش زيك سعيد ناسي
ولا أسألشي على قلبك
۩۩۩۩۩
لقيت عينيا عليك تبكي
تقول لي أصله ما يهونشي
وحتى روحي تخاصمني
وقلبي يقول ما تظلمشي
۩۩۩۩۩
وعشت أسير لإحساسي
وأقول يمكن يلين قلبك۩۩۩۩۩
أحس النار بأنفاسي
ودا كله
ومش عاجبك؟؟؟
۩۩۩۩۩
عايز إيه
أكبر من كدا قلب
عايز أيه
أكثر من كدا حب
۩۩۩۩۩
ما أنا شكوتي
منك إليك
وفرحتي
ودمعي في إيديك
۩۩۩۩۩
وإن كان ضميرك
نفسه
ما بيقدر عليك
أشكيك أشكيك لمين؟
اشكيك لمين؟
آآآآآآآآه
أشكيك لمين لمين
لمين أشكيك؟