يلا نشوف اخر الاخبار

السبت، 5 مارس، 2011

تعبت اجامل ايامي اللي ورتني الاهوال

تعبت من القصيد .. من الجروح .. من انتظـار طـال
تعبت استقبل طعـون الزمن .. واربت على كتفـه





تعبت من الكلام .. من السكوت اللي يهد ّالحـال
تعبت أكثر من الحزن الذي.. ما ينتهـي عزفـه




تعبت من الوعود .. من الصديق الطيّب المحتـال
تعبت أعرف كل اللي .. تعرف الناس بالصدفـه




تعبت من العدو اللي عجز.. يدخل معي بقتـال
تعبت من الظـلام اللي قتلت .. ولا لقى حتفـه




تعبت أسأل من المخطي .. تعبت اردّد المـوّال
ما دامك ما سـقيت الزرع .. ما لك حق في قطفـه




تعبت القى الجواب المقنع اللي ماعليه جـدال
تعبت القى .. طـريقٍ ما يكون بآخـره شـتْفَـه




تعبت اضفي على الصوت الحبيبه وردتين وشـال
تعبت اسـمع صدى شامت يردّد طاحت الغدفه




تعبت أغـازل البسمه على ثغر البكـا .. تخـتـال
تعبت أشـوف شوفي ينهزم .. رغمٍ على انفـه




تعبت اجامل ايامي .. ولو ورّتنـي .. الأهـوال
تعبت أقـول عن حملٍ ثقيل .. اتفه من الأتفـه




تعبت أهـزّ راسي غيظ والقى في يديّ اغـلال
تعبت أسـير خلف الوهم.. لو غيري ركض خلفـه




تعبت أشـد وانزل.. ما ظهر لي طيّـب المنـزال
تعبت من الدروب اللي مشيت .. وكلّها صـلفـه




تعبت أرسم حروفي شمس.. والمح بالوجيه ظـلال
بعض ناسٍ .. تعـرف النور .. بس تقول ما تعرفـه




تعبت وقلت كل اللي اظنّـه " يا ناس " ينقـال
تعبت ابغى القط انفاسي .. اذ لابد من وقفـه

منقول

هناك 4 تعليقات:

الحزن دوله لايعيش فيها سوى الدموع يقول...

لو تعلم كم احبك وكم تغار عليك اغار عليك من احلامى من لهفتى واشتياقى ومن خفقات قلبى اغار عليك من لحظه صمت بيننا قد تبعدك بافكارك عنى اغار عليك من لفته نداء قد تبعد عينيك عن عيونى اغار عليك من كل كلمه تقولها اذالم اكن انا اغار عليك من اصابع الناس اذا التقت باصابعك فى سلام عابر اغار عليك من فكره تخطر ببالك من حلم لااكون انا فيه اغار عليك لانى اجلك واحبك

الحزن دوله لايعيش فيها سوى الدموع يقول...

جميله

الحزن دوله لايعيش فيها سوى الدموع يقول...

جميله ياجميل

وحي الخاطر يقول...

مافيش اجمل منك ياقلبي تسلمي يارب ويسلم مرورك العطر