طــــــــــــــعنـــــــــــــــة غــــــــــــــــــــــــــدر

طعــنة غـــدر

عطني اقسى جروحك
إنثر على بقايا دموعك ..
ابي اشاركك حزنك وهمومك
ابيهم يسموني مجنونك ..

إضحك بهالدنيا وتفاءل
صدقني مابه اللي يستاهل
كل مابهالدنيا عمر ..
غمض عيونك وبلحظة يمر
ومحد ٍ .. والله متهنى بحياته
هذا جريح ..
وهذا طريح ينتظر لحظة وفاته

مشكلت جرحك إنه في قلبك
طعنه .. صارت مع الايام نزيف
وكل ماتنزف ..
تبدأ عينك تذرف ..
وتذكرك بذاك الوليف ..
طعنه مااظن انها بتبرى ..
حتى لوقلت .. ابتركها للشقى
وانسى

ماأقدر اوصف هالطعنه ..
الا إنها (( طعنه غدر )) ..
جت من دنياك .. بغفله
وبدقه صقر
جت فجأه .. وبحرفه كبار
إنلعبت صح .. وعرفت دنياك
وين تختار
حطتها في قلبك .. حتى ينتهى
من هالدنيا وينهار

من نبره صوتك عرفت إنك عانيت
منها كثير
وياما شكيت قسوه زمنك المرير
لين صرخت دنيتي ..
ماأتحمل هالعذاب العسير
من نبره صوتك بس ..
حسيت انك ذقت طعم الهجير
عرفت إنك تعثرت في معركه حبك
وإنحكم عليك حكم الأسير

طعنه وياليتها كانت بسكين
طعنه زمان خاين ..
وصابت قلبك المسكين
طعنه وكانت قويه حيل
ماتتحمل ..
حتى لو وزعت على
اهل الرياض والجبيل

على العموم هذا نصيبك
لكن يكفيك حب الناس لك
وطيبك
يكفيك .. كبريائك .. وصيتك
وفي الإخير ابيك ياذا القلب الكسير
تمدلي إيدك ..
يمكن اقدر من همومك اشيلك

وبرجع اقول ...
عطني اقسى جروحك
إنثر على بقايا دموعك ..
ابي اشاركك حزنك وهمومك
ابيهم يسموني مجنونك ..
عطني بس فرصه اضوي فيها شموعك
خذ يدي وامسح فيها دموعك ..
خلني احس اني فدوى لعيونك
واحلف لك .. إني مستحيل اخونك ,
طعــنة غـــدر